KFOR-i amerikan përkrahë kryetarin Haliti

21/03/2020 Institucionet

Kryetari i Komunës së Vitisë Sokol Haliti, ka pritur në takim Ekipin ndërlidhës të KFOR-it amerikan (LMT). Kryetari Haliti i ka njoftuar për masat e ndërmarra nga ana e komunës së Vitisë kundër virusit Covid-19. “Jemi duke vazhduar dezinfektimet e objekteve komunale dhe rrugëve, sidomos rrugët e fshatit Stubëll dhe Letnicë. Do të vazhdojmë edhe më tutje të harmonizojmë veprimet dhe të koordinohemi me të gjithë akterët relevantë për ta mposhtur këtë të keqe që ka goditur njerëzimin. Jemi të përkushtuar që të mbajmë në funksion të gjitha shërbimet vitale esenciale”, ka thënë kryetari Haliti. Ai ka falënderuar KFOR-in amerikan për interesimin dhe raportet e mira. Eprorët nga Ekipi ndërlidhës i KFOR-it amerikan, thanë se gjithçka është si përpara sa i përket bashkëpunimit. Ata shprehën solidaritetin me qytetarët e Komunës së Vitisë në lidhje me situatën e krijuar pas paraqitjes së pandemisë. “Ju përgëzojmë për menaxhimin e mirë të situatës të cilën po e vërejmë në terren. Ju e keni një zemër të madhe. Kjo shihet nga aktiviteti i juaj në këtë menaxhim të situatës. Ne ishim në terren për të treguar prezencën tonë, në mënyrë që ata të shohin uniformat tona”, kanë thënë përfaqësuesit e KFOR-it amerikan nga Ekipi ndërlidhës (LMT), Toger Philip Milam dhe Rreshter Deane Wirkus.

Kontrolloni gjithashtu

Kryetari Haliti i nderon me mirënjohje të pensionuarit Agush Hasani dhe Samet Zuka

Kryetari i komunës së Vitisë, Sokol Haliti, së bashku me drejtoreshën e Arsimit në Viti, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara