leoni

Kijeva dhe dy rrugë të Malishevës bëhen me ndriçim

Në kuadër të realizimit të projekteve kapitale, me qëllim të krijimit të kushteve sa më të mira për të gjithë qytetarët, në aspektin e rregullimit të infrastrukturës, si dhe me qëllim të rritjes së sigurisë së përgjithshme, Komuna e Malishevës, ka rregulluar ndriçimin në fshatin Kijevë (rruga kryesore) si dhe në dy rrugë në qytetin e Malishevës.

Sipas drejtorit të urbanizimit, Ahmet Morina, gjatë javës që kemi lënë pas, ka përfunduar rregullimi i ndriçimit në Kijevë, ku rregullimi i ndriçimit ka qenë i domosdoshëm dhe kërkesë e banorëve, pasi Kijeva është një nga vendbanimet më të frekuentuara, sepse shërben si qendër për shumë fshatra, si dhe ka shumë nxënës të cilët vijojnë mësimin e mesëm, në shkollën profesionale.

Po ashtu, me kërkesën e vazhdueshme të banorëve të qytetit të Malishevës, përkatësisht banorëve të rrugës “William Walker” dhe të rrugës “Jahir Mazreku”, është rregulluar ndriçimi edhe në këto dy rrugë.

Kontrolloni gjithashtu

Drejtoria Komunale e Arsimit në Deçan ka filluar me procesin e hartimit të Planit Zhvillimor Komunal të Arsmit 2024 – 2027

Drejtoria Komunale e Arsimit në Deçan ka filluar me procesin e hartimit të Planit Zhvillimor …