KKMSH: Vetëm dje në komunën e Vitisë janë lëshuar 100 fletëparaqitje për ata që nuk respektuan masat kundër përhapjes së virusit COVID-19

06/08/2020 Institucionet

Komiteti Komunal për Mbrojtje dhe Shpëtim i komunës së Vitisë, në mbledhjen e rregullt të mbajtur, ka folur për gjendjen e pandemisë në komunën e Vitisë. Në këtë mbledhje zëvendëskryetari i Komunës së Vitisë, Hasan Aliu, ka potencuar se janë edhe 61 raste aktive me COVID-19 në këtë komunë, ndërsa nga 232 qytetarë janë shëruar 157 prej tyre. Ai kërkoj nga qytetarët që të respektojnë masat kundër përhapjes së këtij virusi, të mbajnë maskat, të ruajnë distancën dhe të mbajnë higjienën personale. zëvendëskryetari Aliu tha se vetëm kështu mund të ulët numri i të infektuarave dhe ruhet shëndeti publik. Ndërkaq Komandanti i Stacionit Policor në Viti, Kapiten Afrim Halili, bëri me dije se vetëm dje policia në Viti, ka lëshuar 100 fletëparaqitje ndaj personave që nuk respektuan masat kundër virusit COVID-19. Ai bëri me dije se kontrolle të tilla do të bëhen vazhdimisht në bashkëpunim me inspekcionin dhe do të lëshohen fletëparaqitje për personat që nuk respektojnë masat kundër përhapjes së këtij virusi pandemik. Ndërsa Skënder Ahmeti, Drejtor i Inspekcionit në Viti, tha se inspekcioni është duke punuar ngushtë me policinë që të respektohen masat kundër këtij virusi dhe bëri me dije se inspekcioni në Viti është duke vazhduar me dërgimin e urdhëresave për vetizolim të personave të prekur me virus. Po ashtu gjatë këtij takimi zëvendëskryetari Aliu, bëri me dije se shkaku i një stuhie dhe breshëri që ka rënë ditëve të fundit ka dëme edhe në sektorë bujqësor dhe ekonomitë familjare dhe do të shikohen mundësitë që komisionet përkatëse të evidentojnë dëmet dhe që në të ardhmen të kërkohet ndihmë nga organet përgjegjëse që ata të dëmshpërblehen.

Kontrolloni gjithashtu

Kryetari Latifi nënshkroi kontratat me tre praktikantë nga skema praktike në punë

Sot, kryetari i komunës së Rahovecit z. Smajl Latifi nënshkroi kontratat me tre praktikantë nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara