KKSB në Skenderaj mbajti mbledhjen e radhës

15/07/2016 Institucionet

Këshilli komunal për siguri në bashkësi në komunën e Skenderajt mbajti mbledhjen e radhës në të cilën diskutoi për tri çështje të rëndësishme; Sigurinë e përgjithshme, Gatishmërinë për sezonin e korrjeve dhe Sigurinë në komunikacion.

Takimin e udhëhoqi nënkryetari i komunës së Skenderajt Fadil Nura, ndërsa morën pjesë përfaqësues të institucioneve që merren me sigurinë njëkohësisht anëtar të këtij organi.

Fadil Nura situatën e sigurisë e vlerësoi të qetë dhe stabile, duke premtuar ngritjen e kapaciteteve të institucioneve lokale gjatë këtij sezoni kur pritet ardhja e bashkatdhetarëve nga diaspora dhe kur realizohen korrjet.

Ai kërkoj edhe nga institucionet që merren me sigurinë, që të angazhohen maksimalisht që siguria e qytetarëve gjatë verës të jetë në nivelin e duhur.

KKSB apeloi të qytetarët që të shmangin ndezjen e zjarreve në arat e tyre pas korrjes së grurit, pasi mundësia e përhapjes së zjarreve në temperatura të larta është shumë e madhe dhe me pasoja fatale për shëndetin dhe pasurinë e tyre.

Kontrolloni gjithashtu

Kryetari Latifi nënshkroi kontratat me tre praktikantë nga skema praktike në punë

Sot, kryetari i komunës së Rahovecit z. Smajl Latifi nënshkroi kontratat me tre praktikantë nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara