Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në reagimin e KMLDNJ-së lidhur me deklaratat e Dick Marty, thuhet se ai po vepron si Pontije Pilati duke u munduar t’i lajë duart nga përgjegjësia për arrestimin e ish-presidentit Hashim Thaçi dhe të tjerëve sikur edhe atyre që së shpejti do të arrestohen nga kjo Gjykatë njëetnike, si nga mentaliteti i veprimit ashtu edhe veshja me fakte krejtësisht në baza etnike, si të një kategorie të viktimave ashtu edhe të akuzuarve. Askush nuk e ka fajësuar Dick Martin, për arrestimin e drejtuesve dhe ish ushtarëve politikë dhe ushtarakë të UÇK-së e pas luftës edhe bartës të posteve më të larta institucionale dhe shtetërore por fajësohet dhe duhet të përgjigjet për një raport që strategjikisht e dëmton Kosovën, qytetarët e saj dhe luftën e drejtë për çlirim ku pika kryesore ishte pohimi se: “ndaj të ndaluarve në disa lokacione të Shqipërisë janë hequr në mënyrë të kundërligjshme organet e të cilat pastaj janë trafikuar për transplatim në vendet e treta…”. Ky spekulim i paramenduar, pa e mbështetur me asnjë fakt e ka vënë Këshillin e Evropës para një akti të kryer siç ishte miratimi i këtij raporti, me këto akuza të pambështetura dhe të tmerrshme pas së cilës themelimi i kësaj gjykate u shndërrua në çështje teknike. Nuk është aspak i rëndësishëm pohimi se nuk ka përgjegjësi për arrestimin e Hashim Thaçit dhe të tjerëve sa do të kishte rëndësi të tregojë të vërtetën se e ka manipuluar heqjen e organeve dhe trafikimin për qëllim transplantimi për faktin se kjo akuzë tashmë nuk përmendet në asnjërën nga akuzat e konfirmuara e që e forcon faktin se qëllimi i Dick Martyt ishte materializim i angazhimit të Rusisë dhe Serbisë për ta luftuar politikisht dhe jo vetëm politikisht Kosovën.
