Koha po kalon e drejtësia për krimet e luftës po zbehet

Koha po kalon e drejtësia për krimet e luftës po zbehet

Është publikuar raporti i Fondit për të Drejtën Humanitare Kosovë mbi gjykimet për krime lufte dhe vepra penale të motivuara etnikisht dhe politikisht në Kosovë në vitin 2016 “Koha kalon, drejtësia për Krimet e Luftës zbehet”. Ministrja e Drejtësisë, Dhurata Hoxha, tha së Kosova ka infrastrukturën për të bërë gjykimin e krimeve por që mbetet ende shumë për t’u bërë. Sa i përket krimeve të luftës, Hoxha shtoi se është e dhimbshme që edhe pas 18 viteve, të gjithë familjarët nuk e dinë të vërtetën. Ndërsa Ambasadori i Britanisë në Kosovë, Ruairi O’Connell, tha se nuk është e lehtë të flasësh për luftën e Kosovës ku janë vrarë mbi 12 mijë dhe mbi 6 mijë të tjerë janë të zhdukur. “Ne jemi dëshmitarë që familjarët e këtyre kërkojnë drejtësi. Njerëzit nuk e kanë të lehtë të harrojnë se çfarë iu ka ndodhur familjarëve të tyre. Pajtimi dhe zgjidhja e konfliktit nuk është e lehtë. Gjeneratat e reja e meritojnë të rriten me të ardhmen dhe jo me urrejtjen. Askush nuk mund të ndryshoj të kaluarën, por duhet të gjejmë të vërtetën. Drejtësia duhet të jetë e paanshme”, tha ai. Kurse, Anka Kurteshi-Hajdari, koordinatore e projektit, bëri prezantimin e raportit vjetor: “Koha kalon, Drejtësia për Krime Lufte zbehet”, ku tha se viti 2016, nuk sjellë shumë optimizëm që drejtësia do të vihet në vend dhe se do të përmbushe pritjet e viktimave, respektivisht familjarëve të tyre.

Kontrolloni gjithashtu

21 vjet nga masakra mizore e civilëve shqiptarë në Mejë të Gjakovës nga forcat policore e ushtarake serbe

Procedurat ligjore për krime të luftës, që ka kryer Serbia në Kosovë, kanë shkallë tejet të ulët të përfundimit me aktgjykime

Procedurat ligjore për krime të luftës, që ka kryer Serbia në Kosovë, vazhdojnë të kenë …