Komiteti për Komunitete i komunës së Deçanit realizoi një vizitë në disa institucione arsimore, me qëllim të vëzhgimit nga afër të procesit mësimor dhe vijueshmërisë së nxënësve nga komunitetet.
Gjatë kësaj vizite u vizituan shkollat “Rexhep Kadrijaj” në Rastavicë, “Maxhun Çekaj” në Irzniq dhe “Heronjtë e Dukagjinit” në Gllogjan, ku u zhvilluan takime me drejtues të shkollave dhe u diskutua për sfidat dhe nevojat aktuale.
Qëllimi i kësaj vizite ishte identifikimi i gjendjes reale në terren dhe adresimi i nevojave të nxënësve dhe institucioneve arsimore.
Komuna mbetet e përkushtuar për përmirësimin e kushteve dhe ofrimin e mbështetjes së barabartë për të gjitha komunitetet.