Komuna e Drenasit nderton disa ura në fshatra

15/12/2015 Institucionet

 

Komuna e Drenasit edhe këtë vit ka investuar në zhvillimin e infrastrukturës për ndërtim te urave të cilat kanë qenë kërkesa të banorëve të lagjeve në fshatra.

Me kërkesen e banorëve të fshatit Dobroshec, Gllanasellë dhe Zabel i Ulët, Komuna e Drenasit, përkatësisht Drejtoria e Urbanizmit kishte planifikuar që për vitin 2015 të ndërtoj ura në këto tri fshatra. Punimet për ndërtimin e urës në lagjen Avdyli të fshatit Dobroshec janë afër përfundimit, ndërsa urat në fshatin Gllanasellë ( lagja Berisha )dhe Zabel i Ulët kanë përfunduar. Vlera për ndërtimin e këtyre urave ka qenë mbi 30 mijë euro dhe ka qenë më se e nevosjhme ndërtimi i tyre, pasi që në sezonat e të reshurave të shiut dhe borës kanë veshtirësuar qarkullimin për banorët e këtyre lagjeve, sidomos për nxënës të shkollave. Betim Berisha, drejtori i Urbanizmit, ka vlerësuar se me ndërtimin e këtyre urave i është mundësuar banorëve të lëvizin më lirë dhe i janë shkurtuar rrugët që ishin të zevendësuara me ato alternative, sidomos në kohën e të reshurave. “Për ndërtimin e këtyre urave, fillimisht ishin banorët e lagjëve që kishin ushtruar kërkesë në Komunë, sidomos gjatë hartimit të buxhetit dhe kërkesat e tyre kishin hyrë në planin e realizimit të projekteve për këtë vit dhe tani dy nga to kanë përfunduar dhe njëra është afër përfundimit, projekte këto që do të ndihmojnë banorët e lagjeve që të mos përdorin rrugët alternative”, ka thënë Berisha.

Kontrolloni gjithashtu

Kryetari Haliti reagon ashpër ndaj ndaljeve të shpeshta të energjisë elektrike dhe furnizimit jo stabil

Pas pranimit të shqetësimeve të shumta nga qytetarët rreth furnizimit jo të rregullt me energji …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara