Komuna e Klinës nderon dëshmorët e kombit të rënë në Rugovë të Hasit

29/01/2018 Institucionet

Me rastin e 19- vjetorit të rënies heroike të tre dëshmoreve të Kombit të Komunës së Klinës, Ilir R. Merturi, Naim Xh. Gashi dhe Vesel S. Avdyli, bashkë me 18 bashkëluftëtarë dhe 9 martirë të tjerë, në Rugove të Hasit, në varrezat e dëshmorëve të kombit të “Kodra e Kuqe”, janë bërë homazhe dhe vënë kurora lulesh te “Kompleksi i Dëshmorëve” dhe të varret e këtyre tre dëshmorëve të Klinës. Në këtë homazh përkujtimi, kanë marrë pjesë, Kryetari i Komunës së Klinës, Zenun Elezaj, nënkryetari, Besim Hoti, Kryesuesi i Kuvendit të Komunës, Fadil Gashi, drejtorë komunal, përfaqësues të Shoqatave të Dala nga Lufta e UÇK-së, familjarë dhe qytetarë të shumtë. “Të rënët janë emra të historisë më të re të Kosovës dhe lavdia për ta do të jetë e përjetshme. Ngjarja e para 19 vjetëve në Rogovë të Hasit, ka qenë njëra prej ngjarjeve të dhimbshme të Kosovës, por njëkohësisht edhe njëra prej momenteve më të lavdishme të luftës së UÇK-së për liri. Ishin, ata bijtë që braktisën jetën personale për sendërtimin e Kosovës shtet më vete, dhe atë e bënin plotësisht të vetëdijshëm se nuk kishte tjetër zgjidhje pos sakrificës dhe tërësisht u mobilizuan për përkushtimin ndaj atdheut. Ishin djemtë më të gatshëm, më kurajozë dhe vetësakrifikues, që ëndrrën e tyre ta shndërronin realitet”, tha me këtë rast, Kryetari i Komunës së Klinës, Zenun Elezaj. Për 21 dëshmorët e kombit dhe 9 martirë, një delegacion nga Klina ka bërë homazhe edhe në vendin e rënies, si dhe ka marrë pjesë në Akademinë përkujtimore të mbajtur në Gjakovë.

Kontrolloni gjithashtu

Konstituohet kuvendi i fëmijëve të komunës së Rahovecit

Në sallën e Kuvendit Komunal të komunës së Rahovecit u konstituua Kuvendi i fëmijëve, në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara