Komuna e Malishevës ndihmon 450 familje me pako ushqimore

26/08/2020 Institucionet

Në kuadër të përkrahjes për familjet në nevojë, si pasojë e situatës me pandeminë COVID-19, Komuna e Malishevës, ka filluar me shpërndarjen e pakove ushqimore dhe higjienike për 450 familje, të cilët në një formë apo tjetër janë prekur nga kjo situatë. Shpërndarja e pakove ushqimore, po bëhet nga Shtabi Komunal për Menaxhimin e situatës me COVID-19 në territorin e Komunës së Malishevës, ndërsa këto pako ushqimore po shpërndahen përmes kryesive të fshatrave tek familjet në nevojë. Shpërndarjen e këtyre pakove, e ka parë nga afër edhe nënkryetari i Komunës së Malishevës, Hajdin Berisha, i cili tha se “si shtab dhe si komunë, në vazhdimësi, nga muaji mars, jemi duke u përkujdesur për të gjitha rastet që kanë nevojë për përkrahje, pasi gjendja sociale është përkeqësuar si pasojë e pandemisë”. “Në vazhdimësi, gjatë këtyre muajve, në bashkëpunim të ngushtë me kryesitë dhe kryetarët e fshatrave, jemi duke ju qëndruar afër të gjithë atyre që kanë nevojë për përkrahje, përmes mjeteve të komunës apo përmes donatorëve të ndryshëm. Këto pako janë pjesë e mjeteve të ndara nga Asambleja Komunale, për menaxhim të situatës me pandemi dhe për mbështetje të familjeve në nevojë gjatë kësaj situate”, ka sqaruar nënkryetari Berisha, në emër të shtabit komunal emergjent.

Kontrolloni gjithashtu

Në QKMF-në në Ferizaj ishin për vizitë Dr. Edita Haxhiu – përfaqësuese nga OBSh, Dr. Fetije Fetaj nga IKShPK dhe një përfaqësuese nga UNICEF-i

Në shërbimin e vaksinimit në Ferizaj ishin për vizitë Dr. Edita Haxhiu – përfaqësuese nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara