Komuna e Mitrovicës dhe “Save the Children” nënshkruan Memorandum Mirëkuptimi

16/09/2016 Institucionet

Është nënshkruar në ambientet e ndërtesës së administratës komunale në Mitrovicë, Memorandumi i  Mirëkuptimit midis komunës së Mitrovicës  dhe Organizatës ndërkombëtare “Save the Children”.

Memorandumi i nënshkruar nga nënkryetari i komunës së Mitrovicës, Safet Kamberi dhe Ahmet Kryeziu, drejtor për Kosovën i “Save the Children”, ka për qëllim realizimin e një programi për mbështetje humanitare dhe përpjekjeve për zhvillim institucioneve të arsimit të komunës së Mitrovicës në të gjitha nivelet dhe  institucioneve nga fusha e shëndetësisë, pastaj në fushën e mbrojtjes së fëmijëve dhe qeverisjes për të drejtat e fëmijëve.

Për realizimin e memorandumit përgjegjësi kryesore do të kenë Drejtoria komunale për Arsim, Drejtoria e Shëndetësisë, Drejtoria e Integrimeve Evropiane  dhe Mirëqenies Sociale. Drejtoria për Mbrojtje dhe Mjedis dhe Koordinatori i Njësisë për të Drejtat e Njeriut.

Organizata “Save dhe Children” do të ketë përgjegjësi për ngritjen e kapaciteteve të institucioneve të synuara në arsimin gjithëpërfshirës, mbrojtjen e fëmijëve, qeverisjes së të drejtave ët fëmijëve, shëndetësisë, zbatimin e praktikave gjithëpërfshirëse për zvogëlimin e rrezikut nga fatkeqësitë në mjediset e shkollës dhe aftësinë e rimëkëmbjes kundër fatkeqësive natyrore etj.

Nënkryetari Kamberi tha se ky memorandum ka rëndësi të madhe, sepse përmes programeve të ndryshme mbështet mbrojtjen e gjithanshme të fëmijëve dhe sigurimin e edukimit dhe arsimit më cilësor të tyre.

Kontrolloni gjithashtu

Komuna e Deçanit po merr pjesë në Panairin e Turizmit dhe Sportit 2024 në Prishtinë

Komuna e Deçanit po merr pjesë në Panairin e Turizmit dhe Sportit 2024 në Prishtinë, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara