Komuna e Vitisë liron nga pagesa shfrytëzuesit e hapësirave publike për periudhën kohore mars, prill dhe maj

07/05/2020 Institucionet

Kuvendi Komunal i Vitisë, ka mbajtur një seancë të jashtëzakonshme, nëpërmjet së cilës janë shqyrtuar disa propozim vendime, e ndër to, edhe ajo e bartjes së mjeteve vetanake të vitit 2019 në vitin 2020. Fillimisht, në këtë seancë, zv kryetari i komunës së Vitisë, Hasan Aliu, ka njoftuar këshilltarët rreth siatuatës së pandemisë Covid 19 në komunën e Vitisë, ku nga 53 të infektuar sa ishin gjithsejt në këtë komunë, deri më sot janë shëruar 42 persona. Ai tha se janë në koordinim më IKSHP-në dhe kërkoi nga qytetarët që të jenë të kujdesshëm e të zbatojn masat mbrojtëse që janë kërkuar nga ky institucion. Sa i përket pikës së parë të rendit të ditës së propozim vendimit për bartjen e mjeteve nga të hyrat vetanake të vitit 2019 në vitin 2020, drejtori i Drejtorisë për Financa dhe Zhvillim Ekonomik Ibrahim Rama, prezantoi ndarjen e shumës prej 145.262 euro të mbetura nga viti paraprak, e të cilat do të ndahen nëpër kategori. Ndonëse u kundërshtua nga këshilltarët e opozitës, megjithatë gjeti mbështetjen e shumicës së këshilltarëve dhe kjo u aprovua. Gjithashtu, Kuvendi miratoi propozim vendimin për rritjen e buxhetit komunal nga të hyrat vetanakë të vitit 2019, propozim vendimin për ndarjen e mjeteve nga projekti në projekte të bashkëfinancimit, si dhe propozim vendimin për lirimin nga pagesa e shfrytëzuesve të hapësirave publike për periudhe kohore Mars, Prill, Maj. Në rend dite, për këtë seancë, këshilltarët u dakorduan që të hyjë edhe propozim vendimi për ndarjen e lokacionit për ndërtimin e ambulantes në fshatin Tërpezë, me që është projekt i një donatori të huaj, propozim ky që u miratua njëzëri nga kuvendarët. Po ashtu, është formuar edhe një komision nga anëtarët e Kuvendit për mbikëqyrjen e procesit të shpërndarjes së pakove ushqimore nga Komuna e Vitisë, për familjet në nevojë.

Kontrolloni gjithashtu

Në Malishevë kanë filluar punimet për zgjidhjen e problemit me energji elektrike

Kryetari i komunës së Malishevës Ekrem Kastrati, përmes një video-mesazhi, i ka njoftuar qytetarët e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara