Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në një komunikim të brendshëm të kryesisë qendrore të LDK-së më 2 mars 2025, tensionet janë rritur mes anëtarëve të partisë pas dyshimeve për vjedhje të votave të diasporës. Komunikimi në grupin “Viber” të LDK-së ka përfshirë një debat të nxehtë mes kryetarit Lumir Abdixhiku, Kujtim Shalës dhe Arben Gashit, ku ky i fundit ka insistuar se ka pasur një “skemë të organizuar kriminale” për manipulimin e votave. Arben Gashi, ish-shefi i grupit parlamentar të LDK-së, ka këmbëngulur se ka pasur vjedhje të votave dhe ka kërkuar që ky proces të cilësohet si një “skemë kriminale”. Ai i ka shkruar Kujtim Shalës në grupin në “Viber”: “Faktet po ulërasin o Kujtim. Ti duhet me u pajtu me shqetësimin, për krimin qe ka ndodhë”. Nga ana tjetër, Kujtim Shala është shprehur se nuk mund të tolerohet asnjë manipulim dhe ka theksuar se për këtë çështje do të merren edhe institucione të tjera.
