Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kosova, Shqipëria dhe Kroacia kanë publikuar tekstin e plotë të marrëveshjes për aleancë ushtarake, e nënshkruar më 18 mars në Tiranë nga ministrat e Mbrojtjes të tri shteteve. Ky hap vjen pas “interesit të madh publik” dhe pas reagimeve të shumta, kryesisht nga Serbia, e cila ka konsideruar marrëveshjen si një shkelje të marrëveshjes nënrajonale për kontrollin e armëve nga viti 1996. Synimi i kësaj marrëveshjeje është riafirmimi i angazhimit për rritjen e sigurisë dhe stabilitetit në Evropën Juglindore dhe rajonin Adriatiko-Jonian. Ky bashkëpunim përfshin katër pika kryesore: promovimin e kapaciteteve mbrojtëse, rritjen e ndërveprueshmërisë përmes edukimit dhe stërvitjeve, kundërpërgjigjen ndaj kërcënimeve hibride dhe mbështetje për integrimin euroatlantik. Kosova, Shqipëria dhe Kroacia kanë theksuar se marrëveshja është bërë në frymën e miqësisë dhe solidaritetit, pa krijuar detyrime të reja ligjore ndërkombëtare, dhe nuk ndikon në marrëdhëniet ekzistuese të këtyre shteteve me të tjera shtete.
