Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Numërimi i votave të zgjedhjeve parlamentare të 9 shkurtit po shkon drejt përfundimit, ndërsa Komisioni Qendror i Zgjedhjeve ka filluar publikimin e rezultateve kur janë procesuar 90.41% e vendvotimeve nga votat e numëruara për kandidatët e partive politike. Zëdhënësi i KQZ-së, Valmir Elezi tha se votat me kusht, votat e personave me nevoja të veçanta dhe votat nga jashtë do të numërohen “gjatë ditëve në vazhdim në Qendrën e Numërimit dhe Rezultateve”. “Po ashtu, në këto rezultate nuk përfshihen rezultatet e votave me kusht, votave të personave me nevoja të veçanta dhe votave nga votimi jashtë Kosovës, numërimi i të cilave do të bëhet gjatë ditëve në vazhdim në Qendrën e Numërimit dhe Rezultateve. Elezi tha se “pas numërimit të votave të kandidatëve për deputetë dhe verifikimit të rezultateve të subjekteve politike nga formularët e rezultateve të plotësuar në vendvotime, proces i cili është zhvilluar dhe po vazhdon në Qendrat Komunale të Numërimit, në platformën elektronike janë publikuar rezultatet për subjektet politike dhe kandidatët për deputetë”.
