Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komisioni Qendror i Zgjedhjeve, ka njoftuar se ka refuzuar 4 mijë e 865 zarfe me vota të dërguara nga jashtë, për shkak të shkeljeve të ndryshme që kanë pamundësuar vlefshmërinë e tyre. Në raportin e vlerësimit të pakove me vota jashtë vendit, KQZ ka identifikuar disa parregullsi, duke përfshirë votimin e shumëfishtë nga 868 persona. Arsyet e refuzimit janë 2 mijë 870 zarfe – Votuesit ishin të anuluar gjatë fazës së aplikimit për regjistrim. 310 zarfe – Mungesa e personalizimit të fletëvotimit . 24 zarfe – Mungesa e pullës vulës postare. 138 zarfe – Votuesit i kanë dërguar nga një shtet tjetër nga ai i deklaruar gjatë regjistrimit. 178 zarfe – Përmbanin vetëm dëftesën e regjistrimit, pa fletëvotim. 432 zarfe – Përmbanin vetëm fletëvotimin, pa dëftesën e regjistrimit. 45 zarfe – Votuesit kanë dërguar fletëvotimin me dokument identifikues të Kosovës, por pa dëftesën e regjistrimit. 868 zarfe – Votuesit kanë dërguar votën më shumë se një herë.
