Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në përmbyllje të konferencës “Java e Regjistrimit të Popullsisë në Kosovë 2021”, krye shefi ekzekutiv i Agjencisë së Statistikave të Kosovës, Isa Krasniqi është zotuar se regjistrimi i popullsisë së vendit tonë në vitin 2021 do të bëhet në harmoni me rekomandimet ndërkombëtare. Gjatë konferencës së zhvilluari, ai dha sqarime të hollësishme për përgatitjet e regjistrimit të popullsisë në vitin 2021 në Kosovë, si dhe rëndësinë dhe shfrytëzimin e këtyre të dhënave, si në aspektin e krahasueshmërisë statistikore, saktësisë, rëndësisë dhe prodhimit në kohë, që i ofrojnë Qeverisë së Kosovës, komunave dhe pushtetit lokal nga njëra anë dhe Bashkimit Evropian, Fondit Monetar Ndërkombëtar, Bankës Botërore e institucioneve dhe organizatave tjera vendore e ndërkombëtare nga ana tjetër.
