Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përfaqësuesi i OVL-UÇK-së, Faton Klinaku, ka njoftuar se të mërkurën do të paraqitet në komisionet parlamentare Ligji që rregullon pagën minimale. Ai ka thënë se janë duke u bërë përpjekje që veteranët e UÇK-së të mos jenë pjesë e pagës minimale. Klinaku ka fajësuar deputetët e Vetëvendosjes se janë duke punuar kundër veteranëve të UÇK-së. Lidhur me këtë veprim, Faton Klinaku ka kërkuar nga veteranët e UÇK-së që të bëhen gati për të protestuar. Deputetët e Lëvizjes Vetëvendosje, disa prej të cilëve janë edhe veteranë të luftës së UÇK-së, për shkak të partisë apo liderit vazhdojnë që të punojnë kundër interesave të veteranëve. Pasnesër, e mërkurë, do të paraqitet në komisione paga minimale dhe bëhet përpjekje që me përkrahjen e komisionit të hiqen veteranët. Edhe pse nuk besoj se do të kenë vota të mjaftueshme që pushteti të merr përkrahjen e komisionit lidhur me këtë. Synohet pastaj që kjo çështje të paraqitet pa përkrahjen e komisioni në Kuvend, por ne duhet të jemi të gatshëm për protesta”, ka shkruar Faton Klinaku.
