Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot, në 18-vjetorin e rënies së heronjve, Fehmi Lladrovci dhe Xhevë Krasniqi-Lladrovci, kryekuvendari, Kadri Veseli, bëri homazhe dhe vendosi lule pranë vendit ku prehen në përjetësi dëshmorët e UÇK-së, në fshatin Shkabaj, ish Gllanasellë. Me këtë rast, kryetari Veseli përkujtoi rrugën e tyre, duke theksuar se Fehmi dhe Xhevë Lladrovci, në rrugëtimin e tyre, kishin një qëllim, të arrinin në Kosovë. “Ata e arritën këtë qëllim, duke qëndruar stoikisht dhe duke organizuar popullin e Drenicës, në Luftën Çlirimtare. Xheva dhe Fehmiu, janë personalitete më të veçanta, krahas Komandantit legjendar Adem Jasharit, Zahir Pajazitit, Luan Haradinajt e shume e shumë heronjve që nuk mund t’i ndajë, të cilët me vetëdije të plotë dhe qëllimin e sakrificës, hynë në luftë, duke u bërë të përjetshëm. Ata i kujtojmë me respekt dhe krenari, ka thënë mes tjerash kryekuvendari Veseli.
