Edi Rama

Kryeministri, Edi Rama, po qëndron në Varshavë, të Polonisë për të marrë pjesë në Konferencën e Donatorëve për Ukrainën

Kryeministri i Shqipërisë,  Edi Rama, po qëndron në Varshavë, të Polonisë për të marrë pjesë në Konferencën e Donatorëve për Ukrainën, të organizuar nga Kryeministri i Polonisë Mateus Morawieski dhe kryeministrja e Suedisë Magdalena Andersson, në partneritet me Presidentin e Këshillit Evropian Sharl Mishel dhe Presidenten e Komisionit Europian Ursula von der Leyen. Konferenca, me pjesëmarrje të nivelit të lartë të kryetarëve të shteteve dhe qeverive i dedikohet qëllimit të përbashkët për të mbështetur reagimin humanitar të OKB-së në Ukrainë dhe për të diskutuar hapat e mëtejshëm drejt mbështetjes së përpjekjeve të Ukrainës për të trajtuar sfidat ekonomike të krijuara nga lufta. Me këtë rast do të diskutohet lidhur me  masa konkrete, me qëllim  për t’ iu përgjigjur fatkeqësisë humanitare të shkaktuar nga lufta, ku sipas vlerësimit t OKB-së, miliona njerëz kanë nevojë për ndihmë urgjente humanitare, duke përfshirë ushqimin, furnizimet me barna dhe strehimin e të ikurve nga lufta.

Kontrolloni gjithashtu

Kryetari i Nismës Socialdemokrate, Fatmir Limaj kërkon zgjedhje të rregullta në Kosovë dhe kritikon qeverisjen e Kurtit

Kryetari i Nismës Socialdemokrate, Fatmir Limaj, duke folur lidhur  me situatën politike në Kosovë, ka …