Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjatë ditës së sotme, kryeministri, Ramush Haradinaj ka pritur në takim edhe inxhinierin e naftës, afaristin dhe humanistin amerikan, Benito Mares, me bashkëpunëtorë, të cilët e uruan atë për zgjedhjen në krye të Qeverisë së vendit. Ai e njoftoi afaristin nga Kolorado e SHBA-së Mares për interesimin e Kosovës për të qenë pjesë e Tubacionit Trans Adriatik (TAP), si degë e korridorit të gazit jugor nga Azerbajxhani përmes Turqisë deri në Shqipëri. Nga ana tjetër, afaristi, Benito Mares deklaroi se ka marrë iniciativën që të bëhet studimi i fizibilitetit të TAP që Kosovës nuk i kushton para, por vetëm mbështetje administrative nga Ministria e Tregtisë dhe Industrisë. Në vijim të bisedës, kryeministri, Ramush Haradinaj ka vlerësuar lartë punën humanitare të afaristit Mares në Kosovë, i cili ka bashkë financuar fazën e dytë të kompleksit përkujtimor për UÇK-në në Marinë dhe disa veprimtari tjera humanitare.
