Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës, Ramush Haradinaj, mori sot pjesë në takimin e rregullt të Këshillit Ministror për Integrim Evropian, të kryesuar nga ministrja Dhurata Hoxha, për të debatuar rreth rishikimit të Agjendës për Reforma Evropiane si dhe diskutimi e miratimi përfundimtar i prioriteteve të reja. Me këtë rast, kryeministri Haradinaj, pasi uroi për sukseset në zbatimin e prioriteteve të ERA I, veçanërisht pakoja e ligjeve, për sundim të ligjit dhe ajo e reformës së administratës shtetërore, tha se takimi i sotëm është dëshmi e seriozitetit që kanë institucionet e vendit, posaçërisht Qeveria, që tashmë kanë krijuar një njohuri dhe vetëbesim më të madh dhe nivel të detyrës. Haradinaj shprehu respekt për gjithë punën që është bërë, për zbatimin e prioriteteve të ERA I dhe zbatimin që do të bartet në ERA II, identifikimin e prioriteteve të ERA II, për të cilat do të dakordohen për dinamikat implementuese. Ai tha se më në fund ka një qartësi më të madhe në zbatim nga ana tyre dhe se mund të flitet për sukses.
