Kryetari Bashota Uron qytetaret për vizat

05/05/2016 Institucionet

Në urimin e kryetarit të komunës së Klinës z.Sokol Bashota, me rastin e rekomandimit për heqjen e vizave për Kosovën thuhet:

Pas anëtarësimit të Kosovës në UEFA, që është një sukses i jashtëzakonshëm për shtetin, për rininë dhe për sportin kosovar, Kosova dje përjetoi edhe një moment tjetër shumë të rëndësishëm dhe tepër historik.

Vendimi i djeshëm i Komisionit Evropian për rekomandimin për heqjen e vizave për Kosovën, përkatësisht për lejimin e qytetarëve të saj për lëvizje të lirë në Evropë, pa dyshim se ka hapur një kapitull të ri dhe shtigje të reja në proceset e zhvillimit dhe të progresit të përgjithshëm.  Ky vendim është shprehje e vlerësimeve të ecjeve të Kosovës në të gjitha etapat e zhvillimit të saj si shtet i pavarur, karshi gjithë sfidave të rënda që i ka pasur. Ky vendim i merituar dhe shumë i drejtë, denjësisht shpreh bindjen e vendeve anëtare të BE-së se ata pa dilema besojnë në përcaktimin e qytetarëve të Kosovës dhe në fuqinë e shprehjes së identitetit të tyre me vlera të njëmendta civilizuese e qytetëruese, me vlera dhe tipare autentike euro-perëndimore, të cilit i takojmë edhe gjeografikisht, por edhe në aspektin kulturor e civilizues.

Jam i bindur se Kosova dhe njerëzit e saj do ta dëshmojnë këtë identitet dhe këtë përcaktim të pa dilemë, duke e shpejtuar hapin edhe në proceset e tjera integruese të BE-se dhe të strukturave të tjera euro-atlantike, ku ky vend edhe ky popull ka vendin e tij të merituar.

Prandaj, me hapin e djeshëm që ka ndërmarrë Komisioni Evropian, ka kryer një mision të drejtë dhe të shenjtë, që ky popull ka merituar edhe më parë, daljen nga izolimi dhe getoizimi, sepse orientimi ynë perëndimor gjithmonë ka pasur formën dhe kuptimin e plotë. Kështu, edhe akti i djeshëm i rekomandimit për heqjen e vizave për qytetarët tanë, është një dëshmi që në mënyrë graduale, por të sigurt po kthehemi aty ku natyrshëm përkasim, në familjen e madhe të popujve të qytetëruar evropianë dhe perëndimorë.

Urime dhe më shumë fat Kosovës! Thuhet në urimin e kryetarit të komunës së Klinës z.Sokol Bashota.

Kontrolloni gjithashtu

NJOFTIM PUBLIK: KONSULTIM PUBLIK PËR STRATEGJINË E ZHVILLIMIT EKONOMIK LOKAL 2027–2031

Komuna e Rahovecit fton qytetarët, bizneset dhe të gjithë të interesuarit që të marrin pjesë …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara