Kryetari Begaj merr mbështetje nga një komunë e Stambollit për investime në Malishevë

21/02/2018 Institucionet

Kryetari i Komunës së Malishevës, Ragip Begaj, i shoqëruar edhe nga drejtori i Drejtorisë për Bujqësi, Murat Hoxha dhe anëtari i KK të Malishevës, Faik Zogaj, janë duke qëndruar në Stamboll, përkatësisht në Komunën e Kuçukçekmece, ku janë takuar me udhëheqjen e kësaj komune, të cilët kanë thënë se janë të  interesuar të investojnë në Malishevë. Sipas drejtorit të bujqësisë në Malishevë, Murat Hoxha, kryetari Begaj, është takuar me kryetarin e Komunës së Kuçukçekmeces, Temel Karadeniz dhe nënkryetarin Rexhep Sencan, ky i fundit me prejardhje shqiptare, ndërsa gjatë takimeve, kryetari Begaj, i ka njoftuar me mundësitë dhe kushtet që ka Malisheva, për sjelljen e investimeve të huaja. Me këtë rast, kryetari i Komunës së Kuçukçekmece, komuna më e madhe në Stamboll, Temek Karadeniz, ka thënë se, janë të interesuar edhe ta ndihmojnë Malishevën, por edhe të investojnë në Malishevë, pasi shumë nga bizneset e kësaj komune, kanë mundësi që të investojnë, sidomos në fushën e bujqësisë, ndërsa me hapjen e parkut të biznesit në Malishevë, do të investojnë edhe në hapje të një fabrike tekstili apo diçka të ngjashme, në mënyrë që të krijohen vende pune. Pritet që përfaqësuesit e kësaj komune, shumë shpejt do të vizitojnë Komunën e Malishevës, me qëllim të rritjes së bashkëpunimit, si dhe të njihen nga afër me kushtet dhe mundësitë që ka Malisheva, për sjelljen e investitorëve, si dhe për fushat ku ata mund të investojnë, por edhe të ndihmojnë.

Kontrolloni gjithashtu

Komuna e Deçanit po merr pjesë në Panairin e Turizmit dhe Sportit 2024 në Prishtinë

Komuna e Deçanit po merr pjesë në Panairin e Turizmit dhe Sportit 2024 në Prishtinë, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara