Kryetari Haliti nderoi me mirënjohje mësimdhënësit Sevdie Hasani dhe Agush Haxhiu

24/06/2026 Institucionet

Kryetari i Komunës së Vitisë, Sokol Haliti, ka pritur sot në takim mësimdhënësit e pensionuar, Sevdie Hasani dhe Agush Haxhiu, me rastin e përfundimit të karrierës së tyre profesionale në arsim.

Me këtë rast, kryetari Haliti u ndau atyre mirënjohje në shenjë falënderimi dhe vlerësimi për kontributin e çmuar që kanë dhënë ndër vite në edukimin dhe arsimimin e shumë brezave të nxënësve, si dhe për përkushtimin e tyre në misionin fisnik të mësuesit.

Duke i uruar për pensionimin, kryetari Haliti vlerësoi lart punën, profesionalizmin dhe angazhimin e tyre shumëvjeçar në shërbim të arsimit, duke theksuar se mësimdhënësit mbeten shtyllë e rëndësishme e zhvillimit të shoqërisë dhe formimit të gjeneratave të reja.

Nga ana e tyre, Sevdie Hasani dhe Agush Haxhiu falënderuan kryetarin Haliti dhe institucionet komunale për vlerësimin e treguar, duke shprehur kënaqësinë që për vite me radhë kanë kontribuar në arsimimin dhe edukimin e të rinjve të komunës së Vitisë.

Kontrolloni gjithashtu

Komuna e Deçanit: U mbajt dëgjimi buxhetor për Grantin e Arsimit 2027–2029

Sot u mbajt dëgjimi buxhetor për Grantin e Arsimit 2027–2029, ku u prezantuan planifikimet dhe …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara