Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovës, Ardian Gjini, ka vizituar sot biznesin familjar “Beha-N” në Rahovec, ku u prit nga pronari, Aliriza Hasku. Gjatë bisedës së zhvilluar, kryetari Ardian Gjini theksoi se biznes është një shembull i qartë i sfidave me të cilat përballen bizneset e vogla për shkak të pragut aktual të TVSH-së prej 30 mijë eurosh, duke ritheksuar se propozimi i Aleancës për rritjen e këtij pragu në 100 mijë euro është një masë e domosdoshme për zhvillimin ekonomik. Ai theksoi më tutje se gjashtë kushtet e paraqitura nga Aleanca nuk kanë qenë kërkesa për poste politike, por iniciativa konkrete që synojnë lehtësimin e barrës për bizneset, nxitjen e zhvillimit ekonomik dhe krijimin e një ambienti më të favorshëm për sipërmarrjen.
