Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AAK-së, Ramush Haradinaj ka kërkuar nga Kuvendi i Kosovës interpelancë për kryeministrin e vendit, Albin Kurti, duke arsyetuar se situata politike është ndër më të rëndat në këto 22 vjet. Serbia me aleatët e saj kanë krijuar një skenar të destabilizimit të situatës në Kosovë. Kam kërkuar me urgjencë interpelancë me kryeministrin e Kosovës, Albin Kurti për situatën e krijuar në vend. Situata politike është ndër më të rëndat në këto 22 vjet. Për fat të keq edhe veprimet e deritanishme të institucioneve të Kosovës, nuk kanë qenë në përputhje me situatën e krijuar. Haradinaj më tej shtoi se kryeministri Kurti, në vend që të përfillë kërkesën e Amerikës për të shtyrë zbatimin e marrëveshjes për targat, ka zgjedhur skenarin më të keq, zbatimin në faza të kësaj marrëveshje, me çka i ka dhënë hapësirë Serbisë, edhe ta luajë rolin e viktimës, edhe të ndërmarrë veprime anti-Kosovë. Fatkeqësisht, kryetarja as Kuvendi i Kosovës nuk kanë vepruar në përputhje me seriozitetin e situatës, duke vepruar sikur në vend në këto dy javë nuk ka ndodhur asgjë e jashtëzakonshme”, u shpreh Haradinaj, në arsyetim të interpelancës.
