Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Prishtinës, Shpend Ahmeti, është shprehur i shqetësuar për deklaratën e dhënë nga këshilltari i kryetarit amerikan në Siguri, z.John Bolton. Ahmeti thotë se deklarata e tij është dëshmi që qëndrimi i Shteteve të Bashkuara të Amerikës ka ndryshuar në raport me dialogun Kosovë-Serbi. Edhe pas këtyre zhvillimeve Kuvendi i Kosovës vazhdon të jetë në pushim. Deklarata e këshilltarit për Siguri Kombëtare e Presidentit të Amerikës se ata nuk do të pengojnë shkëmbimin e territoreve në qoftë se pajtohen Serbia dhe Kosova është tashmë dëshmi se qëndrimi amerikan për dialogun dhe zgjidhjen Kosovë-Serbi ka ndryshuar. Nuk duhet të lejohet as edhe një takim i palëve pa u takuar Kuvendi dhe pa diskutuar platformën ekipi negociator, ka shkruar Shpend Ahmeti.
