Kryetari Ilazi uron qytetarët me rastin e Festave të Nëntorit

27/11/2017 Institucionet

Kryetari i komunës se Kaçanikut Besim Ilazi me rastin e festave te nëntorit i uron te gjithë shqiptaret kudo ku janë. Dita e shpalljes së pavarësisë, 28 Nëntori, ditëlindja e komandantit legjendar Adem Jashari dhe paraqitjen publike të Ushtrisë Çlirimtare të Kosovës, janë ngjarje që i dhanë shpirt historisë sonë. Festat e nëntorit janë festat e krenarisë sonë kombëtare, të cilat na dhanë forcë e kurajë për rilindjen e shtetit të Kosovës. Në këtë ditë të shënuar, me pietet përkulemi për të gjithë ata të cilët luftuan dhe flijuan veten e tyre për lirinë dhe pavarësinë e atdheut. Nëntori historik përmban përplot ngjarje historike, krenare e të dhembshme. Jemi të bindur që do të kemi edhe shumë e shumë nëntor, që do ta pasurojnë kalendarin e festave dhe ngjarjeve me të cilat do të krenohet populli shqiptarë. Urojmë që sa më shpejtë të kemi një nëntor integrues evropian, një nëntor me perspektivë euroatlantike, që do të shënonte kulmin e arritjeve kombëtare shqiptare, Kosova e Shqipëria si dy shtete të forta në Bashkimin Evropian si dhe në organizata të tjera të rëndësishme ndërkombëtare.

Gëzuar Festa e Flamurit Kombëtar

Gëzuar Festat e Nëntorit historik !

Lavdi dëshmorëve dhe gjithë të rënëve për lirinë e vendit! Thuhet në urimin e Kryetarit të komunës së Kaçanikut Besim Ilazi.

Kontrolloni gjithashtu

Zjarri i Lirisë” ndizet edhe në Zonën Operative të Nerodimes: “Liri për çlirimtarët, nderim për UÇK-në”

Edhe Zona Operative e Nerodimes i është bashkuar aktivitetit “Zjarri i Lirisë”, në mbështetje të …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara