Brickos

Kryetari Jashari ka pritur në takim një delegacion të përfaqësuesve të bizneseve nga Bursa e Turqisë

02/11/2018 Institucionet

Kryetari i Komunës së Skenderajt, Bekim Jashari, së bashku me drejtorët komunalë, kanë pritur në takim një delegacion të gjerë të përfaqësuesve të bizneseve nga Bursa e Turqisë, të cilët kryetari Jashari i ka njoftuar me potencialin që ofron Komuna e Skenderajt, sa i përket investimeve. “Kemi shtuar edhe më shumë përpjekjet për të kthyer ëndrrën në realitet e bashkë me të edhe shpresën e zhvillimit të komunës së Skenderajt, nëpërmjet investitorëve dhe bizneseve nga Bursa e Turqisë që një pjesë e kapitalit të tyre pritet ta investojnë në Parkun e Biznesit në Marinë. Për të parë kushtet dhe mundësitë që ofron Komuna e Skenderajt, pasditen e së enjtes kemi prit me drejtorët e mi delegacionin e gjerë të përfaqësuesve të bizneseve nga Bursa e Turqisë, të udhëhequr nga Ömer Kumova. Kisha kënaqësi që para miqve turq të prezantoj vizionin e Qeverisë sime, planet dhe synimet tona për Skenderajn të zhvilluar ekonomikisht, duke e ngritur Parkun e Biznesit, i cili do të ofrojë të gjitha kushtet e përshtatshme për çfarëdo lloj veprimtarie biznesore. Në fillim të vitit të ardhshëm do të nisim rregullimin e infrastrukturës së brendshme; instalimin e sistemit energjetik, ujësjellësin, kanalizimin dhe infrastrukturën rrugore brenda parkut. I sigurova gjithashtu se çdo investim që do të bëhet nga investitorët, do të jetë i sigurt, pa frikën e dikurshme të mitmarrjes, haraçit apo ndonjë veprimi tjetër të shëmtuar, nga kushdo që i ka në mendje këto punë të liga. Skenderaj nuk njeh kohë më të mirë sesa tani për të investuar”, ka shkruar në llogarinë e tij në Facebook, kryetari i Komunës së Skenderajt, Bekim Jashari.

Kontrolloni gjithashtu

Kryetari Haliti uron besimtarët ortodoks me rastin e festës së Pashkëve

Kryetari i komunës së Vitisë Sokol Haliti ka uruar besimtarët ortodoks me rastin e festës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara