Kryetari Jashari: Policia, institucioni më kredibil

09/01/2019 Institucionet

Kryetari i Komunës së Skenderajt, Bekim Jashari dhe nënkryetari Nuredin Lushtaku, kanë marrë pjesë në takimin e përvitshëm të organizuar nga Stacioni Policor në Skenderaj, ku është paraqitur raporti vjetor i punës së PK-së. Kryetari Jashari e ka lavdëruar punën e Policisë së Kosovës, duke e quajtur institucionin më kredibil në Kosovë. “Policia e Kosovës mbetet institucioni më kredibil në Kosovë, ku pjesëtarët e saj me punën e tyre fisnike, duke sakrifikuar madje edhe jetën, kanë qenë dhe vazhdojnë të jenë në shërbim të qytetarëve, ruajtjes së rendit dhe sigurisë publike. Ishim të nderuar së bashku me nënkryetarin Lushtaku, të merrnim pjesë në takimin e përvitshëm të organizuar nga Stacioni Policor në Skenderaj, ku është paraqitur puna njëvjeçare e PK-së në komunën e Skenderajt. E vlerësoj pafund angazhimin e secilit zyrtar policor, që me profesionalizëm në detyrë, na ofrojnë më shumë siguri. E ritheksova gatishmërinë time si kryetar i Komunës së Skenderajt, për të bashkëpunuar shumë ngushtë kurdo që kërkohet dhe në çdo kohë, në funksion të rendit dhe sigurisë publike. Falënderoj komandantin e Stacionit Policor në Skenderaj, toger Bastri Durmishi, për bashkëpunimin e mirë që kemi në vazhdimësi! Tha kryetari Jashari.

Kontrolloni gjithashtu

Po vazhdon regjistrimi i të gjithë qytetarëve të Deçanit, atyre që jetojnë brenda Kosovës dhe pjesëtarëve të Diasporës

Po vazhdon regjistrimi i të gjithë qytetarëve të Deçanit, atyre që jetojnë brenda Kosovës dhe …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara