Kryetari Kastrati nënshkroi tri marrëveshje bashkëpunimi me “Hidroregjionin Jugor”

15/02/2023 Institucionet

Kryetari i Komunës së Malishevës, Ekrem Kastrati, sot i ka nënshkruar tri marrëveshje bashkëpunimi me Kompaninë Rajonale të Ujësjellësit “Hidroregjioni Jugor”, e që lidhen me rregullimin dhe mirëmbajtjen e infrastrukturës së sistemeve të ujësjellësve në Komunën e Malishevës dhe hulumtimin e rezervave të ujit. “Synojmë që në një të ardhme sa më të afërt, të minimizojmë në maksimum shqetësimet e qytetarëve lidhur me mungesën e furnizimit me ujë për pije dhe sigurimin e ujit për pije, përmes studimit të fizibilitetit apo hulumtimit për rezerva të ujit, si dhe riparimin e sistemeve aktuale”, ka thënë kryetari Kastrati, pas nënshkrimit të marrëveshjeve me KRU “Hidroregjioni Jugor”. Bazuar në këto marrëveshje, synohet të rriten kapacitetet e furnizimit me ujë nga sistemet aktuale, përmes riparimit të sistemeve të ujësjellësve, aty ku janë të dëmtuar, si dhe gjetja e burimeve tjera  të ujit.

Kontrolloni gjithashtu

U mbajt mbledhja e gjashtë e rregullt e Komitetit për Politikë dhe Financa

Nën udhëheqjen e kryesuesit të Kuvendit Komunal të Vitisë, Bekim Azizi, sot është mbajtur mbledhja …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara