Kryetari Latifi ka kujtuar dëshmorët Ilir  Konushevci, dr. Hazir Malaj, Bahri Fazliut e Agron Rrahmani

09/05/2024 Institucionet

Kryetari i komunës së Rahovecit Smajl Latifi ka kujtuar dëshmorët Ilir  Konushevci, dr. Hazir Malaj, Bahri Fazliut e Agron Rrahmani. Ai ndër të tjera tha: Biri i Kosovës, Ilir Konushevci, ishte ai që i printe kolonës së çlirimtarëve, duke qenë ndër të parët që po hapte shtigjet e lirisë e po punonte për bashkimin e forcave çlirimtare. Krijimi i frontit të përbashkët të çlirimtarëve, ishte nevojë jetike, si dhe shpresë për lëvizjen tonë të armatosur për çlirim dhe porosi e qartë e frikë për armiqtë e për ndonjë segment që u shërbente atyre, prandaj, u ngutën ta ideojnë dhe ta zbatojnë planin për eliminim fizik të Ilir Konushevcit – MËRGIMIT dhe të bashkëluftëtarit të tij, dr. Hazir Malaj, në vendin e quajtur Miliskajë, në maloren mbi pendën e hidrocentralit të Fierzës, rrethi Bajram Curr. Me përjetësimin e Ilir Konushevcit, dr. Hazir Malaj, Bahri Fazliut e Agron Rrahmanit, ndërmjet datave 7 dhe 12 maj 1998, lëvizja jonë kombëtare çlirimtare, mori goditje shumë të rëndë dhe pesha e humbjes qe shumë e madhe, por mbi këto dhimbje të thella, u ngritën me mijëra të tjerë, e nga krismat e pushkëve të tyre, jehoi fuqishëm zëri kushtrimtar për bashkim i Ilirit, i Hazirit, i Bahriut, i Agronit e i të rënëve ndër breza dhe thirrja e tyre për të luftuar me vetëmohim deri në çlirimin e plotë të Kosovës dhe të trojeve tona të pushtuara! Nderime dhe lavdi për jetë e mot, veprës së heronjve, Ilir Konushevci dhe doktorit Hazir Malaj!

Kontrolloni gjithashtu

Në Viti u shënua Dita Botërore e Mjekut Familjarë dhe Hipertensionit

Komuna e Vitisë, konkretisht Drejtoria për Shëndetësi dhe Mirëqenie Sociale në bashkëpunim me QKMF-në e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara