Kryetari i komunës së Rahovecit, z. Smajl Latifi i shoqëruar nga kandidatët për deputet nga kjo komunë, Saranda Sallteku, Ardian Rama dhe Afrim Dina takoj të enjtën fermerët e zonës së Opterushës.
Në restorantin “Panorama”, ata diskutuan për arritjet e deritanishme dhe planet për vitin 2025, me synimin për të forcuar më tej sektorin e bujqësisë në Rahovec.
Fermerët tanë janë shembull i përkushtimit dhe punës së palodhur. Me djersën e ballit ata e punojnë tokën, mbajnë familjet e tyre dhe i japin gjallëri bujqësisë së vendit tonë.
Jam mirënjohës për punën dhe angazhimin e tyre që e pasurojnë Rahovecin dhe e bëjnë atë një vatër krenarie për të gjithë ne, tha me këtë rast i pari i komunës së Rahovecit, z. Smajl Latifi.