Brickos

Kryetari Nura dhe nënkryetari Lushtaku, kanë pritur në takim zyrtar ambasadorin e Republikës së Turqisë në Kosovë

21/01/2022 Institucionet

Kryetari i Komunës së Skenderajt, Fadil Nura dhe nënkryetari Sami Lushtaku, kanë pritur në takim zyrtar ambasadorin e Republikës së Turqisë në Kosovë, Shkëlqesia e Tij, Çağrı Sakar dhe zyrtarët e TIKA-s, me të cilët është diskutuar për bashkëpunimin e vazhdueshëm mes Komunës së Skenderajt dhe Ambasadës së Turqisë. Gjatë takimit është folur konkretisht për projektet që do të realizohen në komunën e Skenderajt, në fushat si ajo e arsimit, bujqësisë, urbanizmit, kulturës e trashëgimisë, projekte që do të realizohen në bashkëpunim të institucioneve respektive. “Diskutuam me theks të veçantë për gjetjen e donatorëve dhe mundësive të tjera, për të realizuar një nga projektet më të rëndësishme që ka pasur ndonjëherë në këtë anë, Penda e Drenicës, që do të zgjidhte njëherë e mirë problemin e ujit të pijes, madje do të siguronte edhe ujitje të tokave bujqësore dhe prodhim të energjisë elektrike”, ka thënë gjatë takimit Nura. Sa i përket Komunës së Skenderajt, çdo investitori do t’i ofrohet i gjithë bashkëpunimi i nevojshëm dhe lehtësira të tjera, në funksion të realizimit të këtij mega-projekti, ka thënë kryetari Nura.

Kontrolloni gjithashtu

U mbajt akademi përkujtimore në nderim të heroit Abaz Thaçi dhe 10 dëshmorëve tjerë nga Drenica

Në Qendrën e Kulturës “Hasan Prishtina” në qytetin e Skenderajt është mbajtur akademi përkujtimore në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara