Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i komunës së Prishtinës, Shpend Ahmeti ka reaguar pas intervenimit të Policisë për largimin e disa familjeve nga banesat e uzurpuara në lagjen “Dardania”. Ahmeti bëri të ditur se disa herë është takuar me përfaqësues të këtyre familjeve dhe sqaroi Gjykata tash ka vendosur ta zbatojë vendimin, të cilin e ka marrë në vitin 2012. Kryetari Ahmeti ka sqaruar se “Në vitin 1999 shumë njerëz kanë hyrë në banesa të ndryshme në Prishtinë. Kështu ndodhi edhe me banesat e ashtuquajtura të Dardanisë. Ish-regjimi, ka ndërtuar banesa për ndërmarrjet shoqërore të ndryshme ku kishte marrë nga 8 për qind të banesave si pjesë e kontratës. Lufta kishte ndërprerë shume prej këtyre projekteve. Një prej këtyre projekteve ishte edhe ajo te Dardania. Se si janë zaptuar banesat sigurisht se do të kuptohet me kohë. Ka pas njerëz me shtëpi të djegura, ka pasur ‘të fortë’ që kanë zaptuar për veti. Por, sikurse edhe më shumë banesa tjera të zaptuara, pas një kohe gjyqet janë marrë me rastet, ka shpjeguar mes tjerash, kryetari Ahmeti.
