Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kuvendit të Kosovësm Kadri Veseli, priti në takim zëvendës-ambasadorin e Britanisë së Madhe në Kosovë, Tom Adams dhe përfaqësuesit e kompanive të cilat do të zbatojnë memorandumin e mirëkuptimit të nënshkruar gjatë muajit gusht midis kryeparlamentarit Veseli, kryeministrit Mustafa dhe ambasadorit britanik në Kosovës, O’Connell, lidhur me përzgjedhjen e kandidatëve në pozita të larta publike. Ai u uroi mirëseardhje në Kosovë dhe suksese në punën e tyre përfaqësuesve të kompanisë “Assessment and Development Consultant” dhe kompanisë “BDO”, duke i siguruar njëkohësisht, për bashkëpunimin dhe mbështetjen e vazhdueshme të Kuvendit të Kosovës. “Meritokracia dhe transparenca në përzgjedhjen e zyrtarëve të lartë të shtetit është një ndër bazat më të rëndësishme të demokracisë sonë. Ky është vetëm fillimi i një procesi të rëndësishëm të pavarësimit dhe depolitizimit të pozitave të larta të institucioneve të pavarura”, theksoi kryeparlamentari Veseli.
