Kurti: Pas deklarimeve të Thaçit për Kosovën Lindore, në Bujanoc është rritur prania e xhandarmërisë serbe

Kurti: Pas deklarimeve të Thaçit për Kosovën Lindore, në Bujanoc është rritur prania e xhandarmërisë serbe

Kreu i Lëvizjes Vetëvendosje, Albin Kurti ka thënë se Kosova Lindore duhet të përkrahet me anë të referendumit të vitit 1992. “Shqiptarët e Preshevës, Medvegjës e Bujanocit e kanë thënë fjalën e tyre në referendumin e vitit 1992. Kosova duhet ta shikoj këtë referendum dhe nuk e ka bërë për shkak të interesave vetjake. Shqiptarët në këto treva janë të shtypur dhe duhet t’iu ndihmojmë mirëpo në Qeverisje dashuria matet me buxhet. Asnjë Qeveri nuk ua dha asnjë cent këtyre banorëve dhe nuk mund të besojmë tek këta që flasin për ta. Qeveria duhet t’i mbështes që të realizohet ai referendum i vitit 1992, por kjo nuk është çështje pazari ku diku i merr 100 hektar e në anën tjetër i jep. Korrigjimi kur flitet bëhet fjalë për ndonjë fshat apo zabel, e jo tërë Kosovën Lindore. Korrigjimi sipas tyre është jep veriun e merr Preshevën. Deklaratat e Presidentit janë brenda logjikës së marrëveshjes së Demarkacionit”, ka thënë Kurti. Sipas tij korrigjimi i kufirit është çështje minore dhe nuk rregullohet problemi i Kosovës Lindore me korrigjim të kufirit por me referendum të vitit 1992. “Në bazë të informacioneve nga Bujanoci është rritur prania e xhandarmërisë serbe në Bujanoc. Kjo më kujton sikurse vendosjen e lapidarit të UÇPMB-së në Preshevë dhe pastaj xhandarmëria e hoqi atë kurse Qeveria jonë nuk tha asnjë fjalë. Kështu tani me këto deklarata të Presidentit. Ata kanë nevojë për mbështetje dhe nëse Presidenti flet për Preshevën, Medvegjen e Bujanocin duhet të kthehet menjëherë në linjë buxhetore. Këta u japin vetëm fjalë, asnjëherë diçka të prekshme, materiale që ua përmirëson jetën”, ka theksuar Kurti.

Kontrolloni gjithashtu

Bedri Hamza është shprehet optimist se do ta fitojë garën për kryetar të Mitrovicës pa balotazh

Bedri Hamza shfaq dyshime lidhur me komunikimin e njërit prej organizatorëve të sulmit në veri të Kosovës me Mimoza Kusarin

Kryetari i Mitrovicës, Bedri Hamza, ka ngritur një zë kritik në lidhje me dialogun me …