Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lideri i Lëvizjes Vetëvendosje, Albin Kurti i ka deklaruar gazetës zvicerane “Schweiz am Wochenende” se deri te vrasja e politikanit serb të Kosovës, Oliver Ivanoviq ka ardhur për shkak se ai kishte probleme me kryetarin e serbisë, Aleksander Vuçiq. Vrasja e Oliver Ivanoviqit është çështje e brendshme serbe, ka theksuar Albin Kurti. Ndërsa duke folur për qeverinë dhe gjendjen në vendin tonë, ai ka thënë se shteti i Kosovës funksionon vetëm falë parave të diasporës. Ai ka shfaqur kritika ndaj Qeverisë sidomos për numrin e madh të ministrave dhe zëvendës ministrave. Qeveria aktuale ka 21 ministra dhe 82 zëvendësministra. Janë më shumë se në Kinë. Ky është nepotizëm i qartë, shenjë e korrupsionit shtetëror. T’i shpërblesh anëtarët e familjes dhe veteranët e partisë me poste të tilla nuk është mënyrë e duhur për të ndërtuar një shtet demokratik të bazuar në sundim të ligjit, ka theksuar lideri i Lëvizjes Vetëvendosje, Albin Kurti.
