Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Juristja e medias Flutura Kusari, la njoftuar për një vendim që e quan historik të marrë nga Këshilli Gjyqësor i Kosovës, i cili përmes Planit Strategjik për Përmirësimin e Qasjes në Drejtësi 2026-2028, do të trajtojë me prioritet paditë SLAP dhe rastet e shpifjeve dhe krimeve ndaj gazetarëve.
Kusari ka shkruar se Kosova është vendi i parë në Europë që rastet e padive Strategjike Kundër Pjesëmarrjes Publike (SLAPP) do të trajtohen si raste me prioritet nga ana e gjykatave. Poashtu, me prioritet do të trajtohen edhe rastet e shpifjes dhe të krimeve që përfshijnë gazetarët, punëtorët e mediave dhe aktivistët e shoqërisë civile.
Kjo është vendosur nga Këshilli Gjyqësor i Kosovës përmes Planit Strategjik për Përmirësimin e Qasjes në Drejtësi 2026-2028.
Koalicioni Europian kundër Padive SLAPP CASE, që përbëhet nga 120 anëtarë nga e gjithë Europa, e ka përshëndetur KGJK-në për këtë vendimarrje.
Jashtëzakonisht e gëzuar që paditë SLAPP, rastet e shpifjes dhe krimet ndaj gazetarëve do të trajtohen ashtu siç e meritojnë, me urgjencë.
