Kuvendi Komunal i Vitisë me deklaratë të përbashkët kërkon nga institucionet qendrore të Republikës së Kosovës përfundimin sa më parë të shkollës në Pozharan dhe ndërtimin e çerdhes në Viti

09/08/2022 Institucionet

Sot në Viti është mbajtur një seancë e jashtëzakonshme e Kuvendit Komunal të Vitisë,  e cila është thirrur me kërkesën e shefit të grupit parlamentar të LDK-së. Në këtë seancë është diskutuar dhe miratuar një deklaratë e përbashkët e të gjitha shefave të grupeve parlamentare të përfaqësuar në këtë Kuvend.

Në këtë deklaratë e cila është votuar një zëri nga të gjithë të pranishmit pa dallime partiake,  ju është bërë thirrje  institucioneve qendrore të Republikës së Kosovës për përfundimin sa më parë të punimeve në ndërtimin e Shkollës Fillore të Mesme të Ulët “ Halil Alidema” në Pozharan dhe ndërtimin e çerdhes në Viti.  Megjithatë gjatë seancës u kërkua që të bëhet një pushim i shkurtër për të formuluar deklaratën e përbashkët.  Pas votimit kjo deklaratë është nënshkruar nga shefat e grupeve parlamentare si: Ali Bajrami-LDK, Jakup Demiri-LVV,  Taulant Haxhiu-PDK dhe Reshat Azizi-AAK.  Ndërkaq Ilir Zuka, anëtar i Kuvendit Komunal të Vitisë dhe njëherit Administrator i Pozharanit shpërndau paraprakisht të gjithë këshilltarëve një shqetësim nga banorët e këtij lokaliteti për mos përfundimin e këtij projekti dhe dëmeve që po ju shkaktohet arsimit në Pozharan.  Përndryshe këtu e keni deklaratën e përbashkët të votuar dhe nënshkruar sot.

Kontrolloni gjithashtu

Shqiponja (Jabllanica) e Dushkajës festoi 25-vjetorin e çlirimit dhe nderoi veprën atdhetare të të rënëve në luftën për liri

Shqiponja (Jabllanica) e Dushkajës – kjo fole e atdhetadashurisë dhe dëshmi e qëndresës së pamposhtur …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara