Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i Lidhjes Demokratike të Kosovës, Gazmend Muhaxheri, ka deklaruar se LDK ende nuk ka marrë një qëndrim zyrtar lidhur me zgjedhjen e presidentit të ri të vendit, duke theksuar se vendimi do të merret pas mbledhjeve dhe koordinimeve të brendshme të partisë. Ai ka lënë të kuptohet se kryesia e LDK-së e përkrah qëndrimin e kryetarit Lumir Abdixhiku, i cili ka theksuar se emrat konkretë për postin e presidentit nuk duhet t’u imponohen deputetëve. Muhaxheri ka theksuar se përgjegjësia për formimin e institucioneve të reja i takon partisë fituese, Lëvizjes Vetëvendosje, duke shtuar se kjo çështje nuk varet nga LDK-ja. Sipas tij, kryetari i partisë fituese i ka votat e nevojshme për të formuar Kuvendin dhe institucionet e tjera, ndërsa qëndrimi i LDK-së për çështjen e presidentit do të bëhet i ditur vetëm pas vendimmarrjes formale në organet e partisë.
