Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata e Apelit në Hagë ka aprovuar pjesërisht ankesën e prokurorisë në çështjen ndaj Hashim Thaçit dhe të bashkë akuzuarve. Si rezultat, gjyqtarja Marjorie Masselot ka konfirmuar një formë të re të përgjegjësisë penale për Thaçin – atë të “nxitjes” në pengimin e zyrtarëve në kryerjen e detyrave zyrtare, sipas nenit 32(3) të KPRK-së dhe nenit 401(3) e (5) të KPK-së. Prokuroria është urdhëruar të dorëzojë versionin e përditësuar të aktakuzës deri më 16 prill 2025. Aktakuza do t’u dorëzohet të akuzuarve në shqip dhe publikut në formë të redaktuar. Sipas gjykatës, nuk nevojitet paraqitje e re fillestare në seancë, por Thaçi duhet të deklarohet me shkrim për këtë formë të re të akuzës deri më 24 prill. Ky ndryshim nuk sjell akuza të reja materiale, por rrit përgjegjësinë ligjore të Thaçit.
