Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kreu i Këshillit të Marrëdhënieve Shqiptaro-Amerikane, Martin Vulaj, ka shprehur zhgënjimin e tij për mospranimin e një takimi nga kryeministri i Kosovës, Albin Kurti, gjatë vizitës së tij në rajon. Ndonëse një kërkesë zyrtare për takim u dorëzua përmes Ambasadës së Kosovës në SHBA, Zyra e Kryeministrit nuk ka dhënë asnjë përgjigje. Në të kundërt, presidentja Vjosa Osmani e priti delegacionin më 8 mars, ku u diskutua nevoja për formimin e një qeverie të re dhe përmirësimi i marrëdhënieve me Shtetet e Bashkuara të Amerikës. Pavarësisht injorimit nga Kurti, delegacioni u prit në takime nga kryeministri i Shqipërisë, Edi Rama, ai i Maqedonisë së Veriut, Hristijan Mickoski, dhe kreu i Qeverisë së Malit të Zi, Milojko Spajiq. Ndërsa jemi të zhgënjyer që nuk patëm mundësinë të takoheshim me të, veçanërisht duke pasur parasysh ndryshimet globale dhe ato në Uashington, mbetemi të përkushtuar për të punuar me të gjitha institucionet e Kosovës,” ka deklaruar Vulaj.
