Mbahen Forumet me komunat lidhur me zhvillimin e procesit buxhetor për periudhën 2027-2029

10/07/2026 Institucionet

Asociacioni i Komunave të Kosovës (AKK) ka marrë pjesë në “Forumet me autoritetet komunale lidhur me zhvillimin e procesit buxhetor komunal për periudhën 2027-2029”.

Këto takime u organizuan nga Ministria e Financave, Punës dhe Transfereve (MFPT) me përkrahje nga Misioni i OSBE-së në Kosovë, dhe u mbajtën për tri ditë rresht.

Në këto forume u raportua se të gjitha komunat kanë aprovuar kornizën afatmesme buxhetore sipas afateve ligjore të parapara.

Po ashtu, u diskutua në detaje për zhvillimin e procesit buxhetor komunal, me theks të veçantë në strukturën e shpenzimeve për vitet 2027-2029.

Në takime morën pjesë Drejtorët për Buxhet dhe Financa si dhe Zyrtarët Kryesorë Financiarë të Komunave.

Këto forume ishin vazhdimësi e bashkëpunimit të mirë të AKK-së me Departamentin e Buxhetit të Kosovës në MFPT dhe me OSBE-në.

Gjatë punimeve, AKK ngriti me shqetësim çështjen e pasojave të rënda në buxhetet komunale që po shkaktohen nga lëndët përmbarimore dhe obligimet nga kontratat kolektive, duke kërkuar zgjidhje të shpejta për të mbrojtur stabilitetin financiar të komunave.

Kontrolloni gjithashtu

Filluan punimet për asfaltimin e rrugës në aksin Rahovec – Drenoc – Senoc – Pastasel – Polluzhë – Sarosh

Kanë filluar punimet për asfaltimin e 15 kilometrave rrugë në segmentin rrugor Rahovec – Drenoc …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara