Mbrëmje Kulturore në Kuadër të Javës së Diasporës në Deçan

08/08/2025 Institucionet

Mbrëmë, në Kompleksin Kulturor “Fetnete Ramosaj”, u mbajt një aktivitet i veçantë në kuadër të Javës së Diasporës në Deçan, ku autorët deçanas sollën krijimtarinë e tyre përmes promovimeve librash, recitaleve dhe monologjeve plot emocion.

Kjo mbrëmje u karakterizua nga një atmosferë e ngrohtë kulturore dhe shpirtërore, ku arti dhe fjala e shkruar u bënë urë lidhëse mes bashkatdhetarëve tanë dhe vendlindjes.

I pranishëm në këtë aktivitet ishte edhe kryetari i Komunës së Deçanit, z. Bashkim Ramosaj, i cili vlerësoi lart kontributin e autorëve dhe artistëve në ruajtjen dhe promovimin e trashëgimisë sonë kulturore.

Një falënderim i veçantë për të gjithë pjesëmarrësit – autorët, artistët dhe qytetarët që i dhanë kësaj mbrëmjeje një dimension të veçantë dhe e shndërruan në një festë të vërtetë të kulturës deçanase, thuhet në njoftimin e komunës së Deçanit postuar në faqen zyrtare në facebook.

Kontrolloni gjithashtu

Kanë filluar konsultimet publike për Planin Zhvillimor Komunal të Ferizajt

Në kuadër të hartimit të Planit Zhvillimor të Komunës (PZHK), Komuna e Ferizajt ka filluar …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara