Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Të hënën, më 13 maj 2019 ka filluar stërvitja më e madhe ushtarake e Turqisë, e cila do të zgjasë deri më 25 maj, raporton Agjencia turke e lajmeve, Anadolia.
Ushtrimi, i mbikëqyrur nga marina turke, do të mbahet në tre dete, në Detin Mesdhe, Detin Egje dhe në Detin e Zi, me pjesëmarrjen e 131 anijeve luftarake, 57 avionë luftarakë dhe 33 helikopterë, ka bërë të ditur Shtabi i Përgjithshëm i Ushtrisë Turke.
Forcat detare të Turqisë do të kryejnë ushtrime strategjike dhe operacionale me skenarë të ngjashëm me situatat e krizës, në shtetet e përfshira në luftë. Ushtrimi, i cili do të mbahet në pjesën lindore të Detit Mesdhe do të përfshijë sisteme të armatimit duke përfshirë fluturaket me shpejtësi të lartë, Albatros, të dedikuara me shumë qëllime. Në stërvitje do të përdoren nëndetëset, fregatat, artileri detare dhe dronët pa pilotë.
