Brickos

Me aktivitete të shumta Malisheva shënon Ditën e Pavarësisë

18/02/2019 Institucionet

Komuna e Malishevës, me aktivitete të ndryshme, shënon Ditën e Pavarësisë, përkatësisht njëmbëdhjetë vjetorin e Shpalljes së Pavarësisë së Republikës së Kosovës. Aktivitetet kanë filluar ditë më parë, kryesisht aktivitetet sportive, ku janë zhvilluar ndeshje e turne të ndryshëm, të dielën fillimisht është mbajtur një mbledhje solemne e Kuvendit të Komunës, si dhe janë bërë nderime pranë Shtatores së Adem Jasharit në Malishevë, pastaj homazhe janë bërë në varrezat e dëshmorëve, në Malishevë, Kleçkë dhe Prekaz. Të gjitha këto aktivitete janë mbajtur nën përkujdesjen e Kryetarit të Komunës së Malishevës, Ragip Begaj. Në mbledhjen solemne të Kuvendit të Komunës së Malishevës, me rastin e njëmbëdhjetë vjetorit të Pavarësisë së Republikës së Kosovës, fjalime kanë mbajtur, i pari i Malishevës, Ragip Begaj, pastaj kryesuesi i KK të Malishevës, Rrahim Morina dhe kryetari i degës së SHVL të UÇK-së në Malishevë, Metush Kryeziu. Kryetari Begaj, në fjalën e tij, ka folur për përpjekjet e popullit shqiptar për liri dhe pavarësi, për sakrificën e popullit shqiptar, për luftën e UÇK-së, deri në liri dhe shpallje të pavarësisë. Po ashtu ka folur edhe për kontributin e Malishevës, ndër vite, si dhe për angazhimet e komunës nga pas lufta, për shtet ndërtim dhe zhvillim. Edhe kryesuesi i KK të Malishevës, Rrahim Morina, në fjalimin e tij, në mënyrë kronologjike e ka paraqitur rrugëtimin e popullit shqiptar, deri në shpalljen e Pavarësisë. Për luftën e lavdishme të UÇK_së, ka folur kryetari i degës së SHVL të UÇK-së në Malishevë Metush Kryeziu.

Kontrolloni gjithashtu

Kuvendi Komunal i Vitisë ka mbajtur sesion informues mbi zhvillimin e Komunitetit

Sot në sallën e Kuvendit Komunal të Vitisë, është mbajtur Sesioni Informues me Fondacionin Kosovo-Luxemburg, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara