Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari PDK-së, Memli Krasniqi ka thënë se viti 2023 ishte edhe një vit tjetër i humbur për Kosovën, pasi nuk pati përparim në asnjë nga sektorët, për shkak të gabimeve edhe paaftësisë së Qeverisë-Kurti. Kosova ka një politikë të jashtme në “vdekje klinike”, ka stagnim në ekonomi, shëndetësia është në kolaps, sikurse ka degradim edhe në arsim e fusha të tjera. Krasniqi theksoi se rritja ekonomike që parashihet të jetë rreth 3.5 për qind për vitin 2023, është jashtëzakonisht e vogël për një vend si Kosova me kaq shumë sfida, sidomos postpandemike. Mbi të gjitha në qeverinë ‘Kurti’, për herë të parë ka ndodhur diçka që ka qenë e pa paramenduar: Kosova ka marrë sanksione nga Bashkimi Evropian, masa ndëshkuese konkrete, pezullim të rreth 300 milionë eurove të dedikuar për Kosovën dhe qytetarët e saj, pikërisht për shkak të qeverisë dhe për shkak të kryeneçësisë, gabimeve edhe mashtrimeve të kryeministrit, Albin Kurti. Pavarësisht kësaj propaganda qeveritare vazhdon që të jetë shumë aktive. Absurditetet e kryeministrit janë të jashtëzakonshme. Para disa ditësh në dhjetor dolën dhe thanë që ekonomia e Kosovës është e treta në Evropë. As fëmijët nuk mund ta besojnë një gjë të tillë, ka saktësuar, kryetari PDK-së, Memli Krasniqi.
