Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Mërgim Lushtaku nga Partia Demokratike e Kosovës ka reaguar ashpër pas deklaratës së ministrit për Komunitete dhe Kthim, Nenad Rashiq, lidhur me çështjen e tokës së Manastiri i Deçanit. Lushtaku ka rikujtuar deklaratat e mëhershme të kryeministrit Albin Kurti, i cili sipas tij dikur pretendonte se vetëm Slobodan Milosheviq kishte dhuruar toka për manastiret ortodokse. Lushtaku ka ngritur dyshime për një ndryshim të qëndrimeve të kryeministrit, duke u thirrur në deklaratën e Rashiqit se Kurti i ka dhuruar 24 hektarë tokë Manastirit të Deçanit. “Sipas deklaratës së deputetit Nenad Rashiq, Kryeministri Albin Kurti i paska falur 24 hektarë tokë Manastirit të Deçanit për hatër të tij. Pyetja është e thjeshtë: A ndryshuan parimet, apo pushteti i ndryshoi njerëzit?”, ka shkruar Lushtaku. Deklarata e tij ka nxitur reagime në skenën politike, duke rikthyer në qendër të debatit publik çështjen e pronave rreth Manastirit të Deçanit dhe qëndrimet e mëhershme të qeverisë për këtë temë të ndjeshme.
